Фильмнің басты кейіпкері — он екі жастағы Малика. Оның өміріндегі ең жақын адамы — анасы Роза. Роза қызына тек ана ғана емес, сырлас досы әрі басты тірегі.Алайда Роза қайта тұрмысқа шығуға шешім қабылдағанда, ана мен қыздың арасындағы берік байланыс үлкен сынаққа тап болады. Ислам дәстүріне сай, Малика анасының үйінен кетіп, әкесінің қолына көшуі керек. Осылайша қыз қиын таңдау алдында қалады: анасының жаңа некесіне кедергі жасап, бұрынғы өмірін сақтап қалу немесе анасының бақыты үшін өз бақытынан бас тарту.