Қазақстандық көрнекті документалистердің бірі қатарынан 40 жылға жуық уақыт бойы өз туындыларында адамды зерттейді. Төл құндылықтар жүйесін таңғаларлық дәлдікпен қалыптастырған адамдардың портреттері көрерменді кейіпкерлердің дүниенің құрылымы туралы радикалды көзқарастармен бетпе-бет қалдырады. NOMSIZ аясындағы ретроспектива үшін біз адам бойындағы қатыгездік пен мейірім жануарларға деген қарым-қатынасы арқылы ашылатын екі фильмді таңдадық.  

Владимир Тюлькин — қазақстандық режиссер және деректі кино сценарисі. ЛГИТМиК -те Д.Карасиктің шеберханасында білім алып, Г.Чухрайдың шеберханасындағы сценаристер мен режиссерлердің Жоғары курсын тәмамдаған. 1980-1990-шы жылдары белсенді жұмыс істеп, «Нөмір бірінші чемпион», «Шыбындар әміршісі», «Айқыш сынағы» сынды бір-біріне ұқсамайтын фильм-портреттер мен бақылаулар түсірген.

ШЫБЫНДАР ӘМІРШІСІ, 1991

«Шыбындар әміршісінің» бас кейіпкері — Қазақстандағы аты аталмайтын бір ауылдан шыққан, зейнет жасына таяған айрықша харизмасы бар ер адам. Ол бар бос уақытын «шыбын өсіруге» — шыбындарды көбейтіп, кейін оларды жоюға арнайды. Фильм барысында КСРО-ны бар жан-тәнімен жек көретін кейіпкердің болмысы өз утопиясы бар тиран ретінде ашылады. 

ИТТЕР ТУРАЛЫ ЕМЕС, 2010

«Иттер туралы емес» туындысында екі бас кейіпкер бар. Біреуі — соңғы тиын-тебеніне дейін үйіндегі 70-ке жуық итті бағуға жұмсайтын зейнеткер әйел. Екіншісі — нәпақа табу үшін қаңғыбас иттерді аулайтын орта жастағы ер адам. Діни мейірім мен цинизмге толы зұлымдықтың арасын тек монтаж бөліп тұр.