Әлемдегі ең көне, үздіксіз қоныстанған орындардың бірі — Грузияның Кутаиси қаласының аспанын бір мезетте жазғы романтика да, футбол бойынша әлем чемпионатына орай қызу әуестік те кернейді. Екі кездейсоқ кездесуден кейін фармацевт Лизаның және футболшы Георгияның жоспары алғашқы кездесуде-ақ күйрейді — екеуінің де бет-әлпеті магиялық образда өзгеріп салады, енді олар бірін-бірі танымайды. Жастардың қайта кездесуі мүмкін бе?

Коберидзе тек адамдарға ғана емес, олардың романтикалық толқыныстарына да назар салады. Режиссердің әлемінде су ағатын құбырлар да сөйлей алады, ал бейнебақылау камераларының санасы бар. Қаланың көпірлері мен саябақтары, ағаштар, Риони өзені, мектеп аулалары, кәуап пен көше дәмханалары фильмде айрықша, метафизикалық кеңістікке айналады. Коберидзе үшін жануарлар да маңызды. Камера Кутаисидегі қаңғыбас иттер мен басқа да жан-жануарларға ұзақ аялдап, режиссер оларды адамдармен бірге футболдан әлем чемпионатын тамашалау ниеті бар өз өміріндегі кішкентай ғажайыптарды бастан кешіретін толыққанды кейіпкерлер ретінде көрсетеді. 

Бұл бірегей заманауи ертегі қалыптасқан кинематографиялық нормалармен ойнап, махаббат хикаясының дәстүрлі құрылымын бұзып, біртіндеп ауқымды поэтикалық «қала симфониясына» айналады. Коберидзенің баяу өрбитін баяндаулары, сирек диалогтары мен баурап алатын музыкасы ерте кинематографты еске салатын қарапайым, ашық бейнелері арқылы күнделікті өмір сиқырына арналған одаға айналады. 

‍