«Целинный» заманауи мәдениет орталығы Алматы мен Қазақстанда өз кеңістігінде де, әрбір жобаға инклюзия әрекеттері негізінде де инклюзивті орта құру және оны дамытуды өз миссиясының ажырамас бөлігі деп санайды. Физикалық тұрғыда біз инклюзивті кеңістік жасаймыз. Сондай-ақ әрбір көрме жобасына инклюзия элементін енгіземіз. Бізге жеке ерекшеліктеріне қарамастан, әр адам үшін өнер және мәдениетпен өзара байланыс құрудың әдеткі тәжірибесін жасау маңызды. Біз офлайн және онлайн қолжетімді орта құрамыз.

Біз үшін инклюзия бұл – барлық жанға мәдениетпен байланыс орнатуға теңдей қолжетімділік беретін әрекет.

Біздің құндылықтарымыз:
Тең мүмкіндіктер – әркімнің өзін танытуға мүмкіндігі бар.
Қолжетімді орта – кез келген адам кез келген кеңістікте болуға және өз мүмкіндіктеріне сай әрекет жасауға құқылы.
Әрбір адамның өзін-өзі бағалауы – жеке қасиеттер негізінде ешкім ешкімнен артық не кем емес.
Сыйластық — тұлға маңызды, оның ерекшеліктері емес.

Біз мұны қалай жасаймыз: 
Біз қол жетімді орта мен ондағы өзара байланыс орнату тәсілдерін құру үшін мамандар мен тәжірибесі бар адамдарды тартамыз.