16 сәуір 15:00-ден 17:00-ге дейін зерттеуші және Серікбол Қондыбай мұрасын сақтаушы — Балсұлу Қондыбаймен бейресми кездесу өтеді.

Серікбол Қондыбай — еңбектері қазақ мифологиясы мен дәстүрлі мәдениетінің символдық тілін қайта пайымдауға негіз болған қазақстандық зерттеуші, мифолог және мәдениеттанушы. Ол өмірден ерте өтсе де, миф, тіл және тарихи жад арасындағы терең байланыстарды қайта тірілтуге талпынған маңызды интеллектуалды мұра қалдырды.

Кездесу барысында біз Серікбол Қондыбайдың идеялары бүгінде заманауи өнерпаздар практикасында қалай жалғасын тапқанын, олар қалай пайымдалып, интерпретацияланып, өзекті көркемдік тілдің бір бөлігіне айналғанын талқылаймыз. Бұл — Балсұлудың еңбегімен танысу мүмкіндігі ғана емес, сонымен қатар мифологиялық мұраның заманауи өмірде қалай өмір сүріп, өзгергенін байқауға болатын кездесу.

Кездесу 16 сәуір 15:00-ден 17:00-ге дейін Алматыдағы Масаншы, 59 мекенжайында орналасқан Целинный орталығының екінші қабатында орналасқан Ателье білім беру кеңістігінде өтеді. Кіру тегін, тіркелу талап етілмейді.