Суретші Дәрия Темірханның «Кім сенің түстеріңді қорғайды?» атты бейне-инсталляциясы арнайы тапсырыспен пәнаралық BARSAKELMES жобасы аясында жасалды. Бұл жұмыс – жылан мен айдаһар бейнеленген акварельдер сериясының әрі су рухтары туралы аңыздар мен әфсаналардың жалғасы. Инсталляция Евгений Сидоркиннің Целинный кеңістігіндегі сграффитосына проекцияланып, мифті, түсті және шындықты тоғыстырады. Ал Жайық өзенінің үні көрерменді терең бойлауға шақырады. Көрермендермен әңгіме барысында Дәрия мәдениетті орталықсыздандыру тәжірибесі мен Қазақстандағы қала және ауыл өміріндегі жадты зерттеу тәсілдері жөнінде бөліседі.