Тео кезінде отбасының бір бөлігі тұрған Грекиядағы Сирос аралына үш рет сапар шегеді. Бұл арал оған жақсы таныс, бірақ үнемі өзгеріп тұрады, сондықтан ол күнделікті өмірінен үзік-үзік әсерлерін — не істейтінін, не көретінін, қандай иістер сезгенін, нені ұстап көргенін жазып жүруге бел буады. Бәрі — ауа-райынан өзін табалдырықта күтіп тұратын мысықтарға дейін, үгітіліп жатқан тастардан жеген асына дейін мұқият хатқа түсіріледі. 

Тео Делияннис экспериментал фильмдер түсіріп, музыкамен айналысады, бірнеше жыл қатарынан Collectif Jeune Cinéma (Париж) мұрағатының менеджері болған. Қазір кез келген қала тұрғыны қатыса алатын және толық өзін-өзі басқару қағидатымен түсіріліп жатқан Plus Belle La Vie телехикая операсының (4666 серия) ремейгін түсіретін La Vie Plus Belle (Сент-Этьен) ұжымында жұмыс істейді.