Біз сіздерді әлемге әйгілі сарапшылар қатысқан қызықты дәрістермен қуантуды жалғастырамыз. 13 қазан “Целинныйда” сәулетші, Manuel Herz Architects басшысы, Базель университетінің сәулет және дизайн профессоры Мануэль Херц сәулет пен саясаттың байланысы туралы ашық дәріс оқиды. Дәрісті @urbanforum.kz “Қалалар мен адамдар: Қазақстан және Швейцария” бағдарламасы аясында ұйымдастырып отыр.

Мануэль Херц: “Ғимараттар не туралы айтады? Дәрісімді осы сұрақтан бастау арқылы мен сәулет тәжірибесі, зерттеу пәндері және біздің ортаны қалыптастыратын қоғамдық-саяси күштер арасындағы байланысты зерттегім келеді. Дәрісте саяси өзгеріс пен қақтығыстар кезіндегі сәулет өнерінің рөлі туралы ғылыми жұмыстардан бастап жобаларға дейінгі мысалдар көрсетіледі; сондай-ақ өзімнің сәулет тәжірибесінен алынған жобаларым – мысалы, Майнцтағы (Германия) синагога немесе Сенегалдағы аурухана назарға ұсынылады. Осы мысалдарды қарастыра отырып, мен сәулет тәжірибесінің зерттеу әдістерінің біріне айналуы мүмкін екенін көрсетуге тырысамын”.