6 маусым балалар мен олардың ата-аналарын балаларды қорғау күніне орай ұйымдастырылған реджио-педагогика рухындағы ашық уоркшопқа шақырамыз.

Реджио-педагогика — бұл италиялық педагог Лорис Малагуцци жасақтаған педагогикалық философия. Оның негізінде — балаға, оның қызығушылықтарына, назары мен әлемді өз бетінше ашуға деген қабілетіне сенім білдіру жатыр. Ересектердің мұндағы міндеті — аталған қызығушылықты байқап, қолдап, әрі қарай даму мүмкін болатын жағдай жасау.

Бұл күні ORTA 3 кеңістігі ашық шеберханаға айналады. Уоркшоп бірінші кезекте балаларға арналған, десе де ересектер де еркін қосыла алады. Аталған формат отбасымен келуге арналған және әуесқойлық, дербестік пен ортақ зерттеу маңызды саналатын бірге уақыт өткізу мүмкіндігі.

Түрткіден тұратын бес үстел — іс-шараның өзегі. Реджио-педагогикада түрткі — бұл баланы әрекет пен зерттеуге итермелейтін материалдардан тұратын арнайы ұйымдастырылған кеңістік. Мұнда дайын нұсқаулықтар мен дұрыс жауаптар жоқ. Материалдар ойын, бақылау және эксперимент мүмкіндіктерін өзі ұсынады, ал бала олармен әрекеттесудің төл тәсілін өзі табады.

Бес түрткі әлемді шығармашылықтың «100 тілі» — форма, фактура, қозғалыс, композиция, қиял және еркін әрекет арқылы зерттеудің бес үндеуіне айналады.

Уоркшоп кураторы — өнерпаз, арт-терапевт, реджио-педагог және сәулетші Лена Андерсон. Ол балалар мен ересектерге арналған топтар мен арт-медиацияларға жетекшілік етеді.

Уоркшоп 6 маусымда 12:00-ден 18:00-ге дейін Масаншы, 59 мекенжайында орналасқан Целинныйдың ORTA 3 залында өтеді.

Уоркшопқа көрме билеті арқылы қатысуға болады (ересектер үшін 2 000 тг, балалар үшін 500 тг).