«Болашақты қайта елестету» және «Посткеңестік пен постотарлық: орталық азиялық қиылыс» тақырыптарын қамтитын дәрістер мен воркшоптар «Целинныйдың» «Резиденциядағы академия» бағдарламасы аясында өтті. Интенсивті білім беру офлайн зерттеу және талқылау бағдарламасы қатысушыларға осы тақырыптарды тереңірек зерттеуге және өзекті мәселелерді талқылауға мүмкіндік берді. Іс-шара Мадина Тілостанованың кітабының жарыққа шығуына орай ұйымдастырылды, ал оған қатысушылар ашық опен-колл нәтижесінде іріктелді. 

Мадина Тлостанова — бейотар жазушы және зерттеуші, Линчөпиң университеті (Швеция) гендерлік зерттеулер бөлімінің профессоры, «Болмыс, білім және түйсік отарсыздығы» жинағының авторы (Целинный, 2020), филология ғылымдарының докторы.