Дзиро есімді бала ұшуды және желді басып озатын әдемі ұшақтарды армандайды. Алайда ол енді ұшқыш бола алмайды, себебі тумысынан алыстан нашар көреді. Десе де Дзиро аспан туралы арманынан қол үзген емес, ол мінсіз ұшақ ойлап таба бастайды, ақыр соңында Дзиро әлемнің ең үздік ұшақ конструкторларының біріне айналады. Жетістікке жетер жолда ол қызық адамдарды кездестіріп, Токиодағы Ұлы жер сілкінісі мен қатыгез соғыстарды басынан өткеріп қана қоймай, өзінің өмірдегі ғашығы — ғажайып Наоконы кездестіреді. 

Жапон анимациясының аңыз тұлғасы әрі абсолют королі Хаяо Миядзаки мұнда әлемге деген оптимистік көзқарасынан гөрі мұңды екпінге жақынырақ болған сыңайлы. Бірақ «Жел күшіне мінді» — оның ең трагедиялық туындысы, себебі көп жағдайда онда ертегі кейіпкерлері де, қиялға толы метафоралар да жоқ, — бар-жоғы дүрбелең кезіндегі адам тағдыры хақында суық ақиқат қана бар. Мұнда бір шетінен, жел бас кейіпкер — инженерді апаттың алдын алатын ұшақтар жасауға шабыттандырады. Атаудың негізіне айналған Поль Валеридің өлеңінен үзінді келтіру арқылы: «Жел күшіне мінді!.. Демек, өмір сүруге тырыс!» дей келе жолға мағына бітіріп, басты өмірлік қағидаға айналады. Екінші шетінен, күшіне мініп келе жатқан жел мәселен, инженердің туындысы іске жарайтын қара бұлттай төніп келе жатқан соғыс сынды сыртқы жағдайларды тізгіндеу беймүмкін екенін көрсетеді.