Назарымыз үнемі сан-саққа бөлінетін қазіргі әлемде пайымдап көз тастау практикасы асықпай, өнер туындысымен диалог құруға мүмкіндік береді. Ұзақ назар салу алғашқы сезімдерді еңсеруге, жаңа мағыналар ашуға және көрмені тез тамашалаған кезде көбіне көзге түспей қалатын дүниелерді байқауға көмектеседі. Осылайша, пайымдап қарау саналы түрде қатысудың толыққанды тәжірибесіне айналады. 

“Zoom In” — бұл “баяу көзқарас” (slow art) практикасына негізделген өнер туындысымен мұқият танысу форматы. Барлық көрмені тамашалауға тырысудың орнына, қонақтар кеңістіктегі тек бір жұмысқа ғана назар салып, қабылдауымыздың өзгеруіне және түрлі ассоциациялардың туындауына әсер ететін бөлшектерді байыппен зерделеп, байқайды. 

Медиатормен бірге қонақтар туындыны сұрақтар, диалог пен бақылаулармен алмасу арқылы зерттейді. Мұндай формат өнер туралы арнайы білімді талап етпейді және әркімді интерпретация процессінің белсенді қатысушысы болуға шақырады, мұнда бастысы — «дұрыс» жауап табу емес,  өнер туындысына мұқият қарап, онымен кездесуден туындайтын төл тәжірибені қалыптастыру. 

‍

‍